Adele më në fund konfirmoi se ajo dhe Rich Paul janë fejuar pas tre vitesh lidhje.

Lajmin emocionues e bëri të ditur këngëtarja e “Hello” gjatë koncertit të saj në Mynih të enjten pasi një fans i kërkoi me shaka dorën e saj për martesë.

Këngëtarja, 36 vjeçare u tha fansave se po martohej dhe tregoi unazën e saj me diamant ndërsa iu drejtua audiencës në arenën prej 80,000 vendesh.

Adele dhe themeluesi i ‘Klutch Sports Group’, 42 vjeç, të cilët janë në lidhje që nga viti 2021, u fejuan fshehurazi muajin e kaluar pasi ai i propozoi martesën në vendlindjen e saj, Tottenham në Londrën Veriore.