Izraeli më në fund lejohet që të marrë pjesë në “Eurovision 2024”, pasi ndryshoi tekstin e këngës


iHost.al - .ALDomain Registration, Web Hosting & Web Development

Izraeli më në fund lejohet që të marrë pjesë në “Eurovision 2024”, pasi ndryshoi tekstin e këngës



Izraeli do të lejohet të konkurrojë në festivalin e këngës Eurovision pasi ndryshoi tekstin e këngës së tij, kanë konfirmuar organizatorët.

Unioni Evropian i Transmetuesve (EBU), organi që organizon konkursin e famshëm, la të kuptohej më parë se mund të refuzonte kandidaten izraelite, këngëtaren 20-vjeçare ruso-izraelite Eden Golan, për shkak të natyrës “politike” të këngës së saj.

Ndërkaq, Izraeli do të lejohet të konkurrojë në Eurovision pasi ndryshoi tekstin e këngës. Eden Golan, përfaqësuesja e Izraelit për konkursin “Eurovision 2024”, fillimisht kishte paraqitur një baladë të quajtur “October Rain (Shiu i Tetorit)”, e cila mendohet se i referohej sulmeve të Hamasit më 7 tetor. Megjithatë, kënga u ndalua me arsyetimin se shkeli rregullat për neutralitet politik.

Pas një premtimi fillestar për mosndryshimin e tekstit, transmetuesi publik i Izraelit Kan, i cili është përgjegjës për zgjedhjen e përfaqësuesit të vendit, më vonë u pajtua të ndryshojë këngën pas thirrjes së presidentit izraelit Isaac Herzog. Versioni i përditësuar i këngës tani vjen me titullin “Hurricane (Uragani)”.

Ndërkaq, artistët në disa vende kanë bërë thirrje për përjashtimin e Izraelit nga konkursi. Rikujtojmë, se prezantueset e Eurovisionit të 68-të në Malmö do të jenë aktorja hollivudiane dhe suedeze Malin Akerman dhe Petra Mede, një aktore dhe komediane suedeze, e cila tashmë ka organizuar dy herë garën më të madhe muzikore evropiane.







iHost.al - .ALDomain Registration, Web Hosting & Web Development

Beat FM Albania

Beat FM Albania. Created in 2017, Beat FM is the newest radio in Albania, which broadcasts online at www.beatfm.al.


Share

Facebook Twitter Google



Search


Tune In


Shows