Ajo është një ndër adoleshentet e vetme që po frymëzon të rinjtë që të ndjekin ëndrrat e tyre dhe të punojnë fort për to.

Bëhet fjalë për Billie Eilish e cila në vetëm pak vite është shndërruar në një yll popi dhe së fundmi talenti i saj u vlerësua edhe më 2 çmime në “MTV Music Awards”.

Këngëtarja 16-vjeçare ka qenë e ftuar në episodin special të “The Late Late Show” me James Corden, “Carpool Karaoke” ku i ka treguar të gjithëve shtëpinë e saj të vogël.

Billie i tregoi publikut dhe moderatorit dhomën e vëllait të saj, aty ku kanë krijuar hitet që e bënë atë të famshme.

“Është shumë e çuditshme. Vite më parë gjendesha në këtë dhomë me vëllain tim duke bërë muzikë thjesht për të kaluar kohën dhe ai ndaloi dhe më tha: ‘Do të të bëj yllin më të madh të pop-it.’ Unë qesha dhe tani ja ku jemi” -u shpreh këngëtarja e emocionuar.

Le të kujtojmë projektin e parë muzikor të Billie Eilish “Ocean Eyes” me të cilën u bë e famshme dhe debutoi në industrinë e muzikës.