Xhaxhai i Evi Reçit, së bashku me familjen e tij, humbën jetën nën rrënoja nga tërmeti i 26 nëntorit dhe dhimbja për këngëtaren ishte shumë e madhe.

Përveç tyre, u nda nga jeta edhe një nga mikeshat më të mira të fëmijërisë së moderatores, Diena. Ngjarja tronditëse është përcjellë me dhimbje edhe nga vetë Evi.

Përmes postimeve në rrjetet sociale, ajo shprehu publikisht dhimbjen për ndarjen e tyre nga jeta, duke treguar sa keq e ka përjetuar këtë moment.

Megjithatë, asaj i është dashur të vazhdojë të ecë përpara dhe t’i rikthehet sërish punës e rutinës së përditshme. Ditën e djeshme Evi është rikthyer sërish në ekran, por e veshur me të zeza kokë e këmbë, diçka që simbolizon zinë dhe dhimbjen për jetët e humbura.

Reçi ka publikuar në ‘Instagram’ një foto të saj dhe përkrah ka shkruar: “Asgjë nuk ka më shumë rëndësi sesa jeta. Bashkë, më të fortë se kurrë!“

View this post on Instagram

Asgje nuk me shume rendesi se sa jeta. Sot, me te forte se kurre.

A post shared by EVI RECI (@evireci) on Dec 2, 2019 at 11:08am PST