Polemikat që rrotullohen rreth skandalit Ferragni nuk tregojnë shenja zbutjeje, përkundrazi, duket se paraqitja e saj së fundmi në “Che Tempo Che Fa” nuk pati efektin e dëshiruar.

Këtë herë ishte Chiara ajo që ra nën duart ironike të L’espresso. Chiara Ferragni shfaqet e grimuar si Joker në kopertinën e re të L’Espresso.

Një kopertinë mjaft e fortë, e cila në fakt ka shkaktuar edhe reagimin e Fedez. Pavarësisht krizës që ata kanë me njëri-tjetrin, Fedez ende mban anën e gruas së tij, e cila shfaqet në kopertinën e fundit të L’Espresso ku fytyra e saj është grimuar si një klloun dhe bie në sy shkrimi: “Ana e errët e Chiara”.

L’Espresso raporton se biznesmenia ka ndërmarrë veprime ligjore ndaj gazetës: “Sot Chiara Ferragni u ka dhënë një mandat avokatëve të saj që të vlerësojnë çdo lloj veprimi juridik, përfshirë atë për dëmshpërblimin e dëmit pasuror dhe jopasuror, ndaj shoqërisë botuese të revistës javore L’Espresso”.