“3 Muskëtjerët”, Elton Deda, Redon Makashi dhe Aleksandër Gjoka do të dhurojnë emocione pafund për publikun.

Gjithçka nis në orën 20:00, ndërkohë i ftuar special do të jetë Kristos Dantis, i cili do të performojë me 10 këngë sëbashku me “3 Muskëtjerët”.

Rokeri më i mirë grek, i cili ka realizuar mbi 1100 koncerte në të gjithë botën do të jetë tashmë tek Amfiteatri i Tiranës.

Ky koncert është totalisht i konceptuar ndryshe. Këngë të reja duete spektakolare shqiptarë dhe hite botërore. Sakaq, drejtori Artistik Elton Deda është besimplotë për një natë të zjarrtë ku do te vijë premierë në Amfiteater. I gjithë koncerti do të shoqërohet nga orkestra e RTSH dhe super banda Deda.